КРАЇнов пралїсів
непорушенов КРАЇнов
КРАЙнї вабивый
найКРАЙше небо в Европі
Chalupa pod Cárinkou
Любите чутя свіжой травы під ногами? Воню пахнячого зїля у свіжім люфтї? Приправу на далшу авантуру? Шум стромів? Почутя покойа а близкость любованой особы коло себе? Тихо а покій од стресу? Но все в максімалнім комфортї? Як раз зато сьме поставили Халупу під Царінков. В сердці неперебаданой области Полонины. На місці де є найкрасше небо в Европі. Є лем на вас што в тїм краю обявите вы.
ШТО МОЖУ ЧЕКАТИ?
Романтічне побываня під звіздами, покій од руху великоміста, незвычайный гоме оффіце, незабытный теамбуілдінґ, стрічу по рокох в прекраснїм середовиску, родинну ославу зо вшыткым што дїти потребують. Або ся дома непомістите переспати по свадьбі? Авантурне станованя з дїтми в безпеці і комфортї. Або скочіти до педалїв а перемочі свої ліміты. Є то лем на вас. Сьте витаны!
ШТО У НАС НАЙДЕТЕ?
ВіФі покрытя
Гоме оффіце без ВіФі не буде можливый. Пририхтовали сьме про вас достаток електричных засувок а міцный ВіФі сіґнал.
выбавена кухня
Комплетне выбавіня од вилкы по горнець.
набиваня біціґлїв
Добити енерґію мусять і вашы електро біґіґлї. Готуєме про них комфортне набиваня.
досконала закладня
Спрха, тоалета, текуча чіста вода, електричны засувкы суть про нас абсолутна необыйдительность.
веллнесс
ДУО сауна, вырива ваня, охолоджарня і ратановы легатка
13 комфортных посtелей
І кідь нашы капаціты бы могли обсяговати веце постелей, вырїшыли сме заховати комфорт а покійну атмосферу в їх меншім чіслї. Жебы ваше побываня было досправды нерушене.
тихо а покій
Аж не будете вірити властным ухам. Жадны рухы міста. Лем псссссст а сем-там шумы природы.
вонкашня текуча вода
приступ ку чістїй текучій водї на умытя біціґля ці прілбы по вашых авантурах : )
огниско
Быти на халупі а без пахнячіх сафалаток? То вера НЕ! Огниско є про вас пририхтоване. Най ся любить.
сувеніры
Локалны, милы і якостны. Готуєме сувеніры, котры потїшать вас і вашых близкых. Дайте собі але печатку нашой халупы до вашого путовного пасу.
ТОТЫ, КОТРЫ НАС ВЖЕ ОБЯВИЛИ
Stanislav K.
Узнавам, же дорога на халупу є дакус довша. Але, кідь вже сьте на місці, так санка долов! Чістота, пахнячій простор, всягды є дуже простору. А ТОПКА? Вырівка, кадя а савна суть ужасне спестріня. Рекомендую!
Juliána L.
Халупа під Царінков в Збою є ідеалне місце на родинне побываня. Были сьме ту три родины з дїтми а вшыткы сьме собі ужыли красне середовиско, безпечный двір а комфортне выбавлїня халупы. Вшытко было чісте, притулне а перфектнї приправлене – бізовнї ся ту рады вернеме!
Lenka K.
Є то тотална ТОПка про ґрупу молодых што люблять турістіку. По каждій турі сьме сі оддыцгли у вырівкі, кадї а саунї супер вібе. Околіца є красна а бізовнї ю іщі хочеме спознати лїпше.
Mária P.
Збой є перфектне місце про турістів, котры люблять історію а традіції. Навщівили сьме деревяны церькви, спознали Старину а зажыли автентічный зажыток коло печіня хлїба. Ку тому прекрасны прогулькы природов – атмосфера того місца є незабытна!
Matúš F.
Стравили сьме ту пару вынятковых дни на е-бікох. Спробовали сьме новы ціклотрасы. По возиню нас все чекала притулна халупа, де сьме собі барс файні оддыхли а дали ся до копы. Бізовно ся ту іщі вернеме!
Ján S.
На халупі сьме мали стрічу сокласників по рокох. Приємне середовиско, крб, винко, великый стіл а велё простору. Нич нам небраковало а тот покій є досправды на незаплачіня. Xата є парадні выбавлена.
Chalupa pod Cárinkou
info@chalupapodcarinkou.sk
ЧАСТЫ ВОПРОСЫ
Про кого є уквартелёваня вгодне?
Найрадше сьме, кідь собі халупу ужыєте пріватно. Значіть як плануєте незабытный теамбуілдінґ, стрічу великой родины ці сокласників, родинну ославу, просто кажда можность, коли буде цілый обєкт лем ваш, так то буде то праве орїхове. Вірте нам!
Є можливе мати властне звірятко?
Нажаль не. Знаме, же є то комплікація, но сами сьме алерґіці а знаме ся вжыти до скоры нашых гостей.
Чом бы єм мав іти аж на край світа?
Шак праві зато! Область непоцілована турізмом, пріватный жывот, тихо, найтмавше небо у середнїй Европі а о комфорт ся стараме мы. Шак навщівити Штрбске плесо дакількораз по собі є прецік нуда… Опробуйте дашто што пахне непознанов авантуров.
Є уквартелёваня вгодне про дїти?
Фіґлюєте?! Є то кралёвство про дїти! Вонка ани не 2 метры од хаты є веееееееееееліч дїтяче гріско з мнягкым поверьхом. Велика тераса, алтанок, простору на выбіганя дїти є невроком дуже.
А што їджіня?
Уфф. Їджіня зохабляме на вас. Нам варіня барс не іде : ) Але мате к діспозіції комплетнї выбавену кухню. Жадны пообиваны горнята по бабкі, але нове, чісте, фресг выбавіня лем про вас. Добрый смак!
Єм куряч ...
Не є то здраве: ) Але і на вас сме думали. Вонка перед халупов в суху а погоді і на вас чекать пририхтованый простор.
Є дашто заказане?
Самособов! Хочеме, жебы вам наъа халупа вытримала што найдовше. Зато прошу незабудьте, же не сьме вгодны про звірятка. Розлучкы зо слободов або дикы мейданы з гудьбов од Вондрачковой так само небудуть про вас вгодны. А жебы сьме незыбыли на то, же не сьме вгодне місце на спрацованя мгяска по полёвачкі. Сьме просто про каждого, хто хоче своє побываня в покою а релаксі.
Што кідь ся дашто показить?
То бы нам быв жаль, но ставать ся. Цілково платить, же кідь ся дашто стане – прошу закличте нам. Некусаме а рады вам порадиме.
Якы суть правила про уквартелёваня?
По завязнїм потверджіню вашой резервації Вам вшыткы потрібны інформації заженеме маілом. Забезпечіме Вам ключ і пожычіме приємне побываня : )
КОТРУ ІЗБУ СОБІ МОЖУ ВЫБРАТИ?
Ізба Стужіца / 2
Ізба Стужіца є ідеалным місцом про пары. Свальбяна дорога, валентінске побываня або сполочный вылет з вашым молодником будуть досправды незабытны. Ізба мать властный заход а спрховый кут.
Ізба Камяна лука / 3
Ізба Камяна лука є ідеална ай про тых найнарочнішых гости. Нукать найвысшый можливый комфорт а елеґанцію штіл Бізніс. Ізба мать властный заход а спрховый кут.
Ізба Борсук / 4
Ізба Борсук є ту про любителїв луксусу. Кідь собі хочете з часу на час дожычіти оддых од монотонности а здобыти незабытны спомины. Ізба мать властный заход а спрховый кут.
Ізба Вигорлат / 5
Ізба Вигорлат є досконалым місцом про нерушеный ГОМЕ ОФФІЦЕ. Найдете ту вшытко потрібне про вас і вашу роботу. Без компромісів. Ізба мать властный заход а спрховый кут.
Ізба Ублянка / 6
Ізба Ублянка є пририхтована про родину. Достаток місца, ґарантованый комфорт а много можностей на забаву. Ізба мать властный заход а спрховый кут.
Ізба Кременець / 7
Ізба Кременець є то найлїпше што понукаме. Елеґанція, комфорт a погода про зажыткове побываня. Ізба мать властный заход а спрховый кут.
ТОТ ПРОЄКТ ПІДПОРИЛИ
„Тота вебова сторінка была вытворена вдяка фінанчній підпорі з ЕУ в рамках проєкту „Халупа під Царінков – зміна ставбы“.
ubytovanie zboj poloniny chata
chalupa carinka booking airbnb home office dovolenka cestovanie turistika slovensko východ teambulding rodina oslava pobyt homeoffice stretávka kosice prenajom svadba